تصدق أو ما تصدقش
قلبك ممكن يعشق
بس عنيك ما تعشقش
وعنيك ممكن تموت
وقلبك حي ما بيموتش
تصدق أو ما تصدقش
ممكن اللي داويت جرحه امبارح
يجرحك النهاردة
وعليك ما يصبرش
تصدق أو ما تصدقش
ممكن اللي كان مظلوم امبارح
ونايم ودموعه على خده
يصحى يقرر يظلم كل الناس
منهم اللي ظلم ... اللي ما ظلمش
واللي قدر يعلن وجعه
وجعه معلم ..
زي اللي ما أعلنش
واللي اتجرح وقال أه
مات مدبوح
زي اللي ما قالش
كله بيوجع ... كله بيألم
كله هايسكت ويبلع ألمه
حتى اللي عمره كله ما سكتش
