هايحصل

لو خايف ابعد بعيد عني يمكن في بعدي تلاقي الأمان، يا عمري اللي راح مني وأخده مني الزمان، ليه أدور علي حلم دلوقتي ماخلاص راح زمن الأحلام، ألمي ألمك وألمك ألمي ومش هانحس غير بآلام، وهمك وهمي ووهمي وهمك وهي كلها دنيا أوهام، هانعيش حياتنا في حلم كبير ده ماحدش بيموت من الأحلام، مستني ايه يا عمري علشان تمشي، عيشتك في الدنيا دي والله حرام

أنا اللي ياللي

أنا ياللي عشت زماني لحد ما فاتني، أنا ياللي جريت ورا أحلامي لحد ما سابتني، أنا ياللي مشيت في كل الاتجاهات، تهت وضاعت مني حاجات، دورت علي عمري اللي ضاع دورت علي قلب كان شجاع وعلي ما لفيت ولفيت ولفيت ولفيت لقيت الدنيا بتقولي وداع، ماشي في طريق نوره اسود، منور أه بس كل شئ إسود وكل ما أحاول يمين أحود ألاقي الدنيا تقولي وداع وأنا ياللي عشت الحياة سنة كل يوم، عشت الفرح والحب والحزن والهموم، شفت المطر والبرق والهدوء والسكون، شفت كتير بس ما شفت شئ، أنا ياللي عشت بقلب برئ، قلب في وسط الخطر جرئ، شفت المطر نازل سيول، شفت برق بينور حقول، أنا اللي عشت أزمنة وأزمنة أنا اللي رحت كل الأمكنة، أنا اللي كل مرة برجع لازم هنا، هنا مكاني هنا زماني هنا قلب عشقته من غير حدود، هنا صاحب عرفته، هنا قلب اطمنت لما عاشرته هنا دنيا لو سيبتها أموت، ودنيا لو عشت فيها أموت، دنيا لو حبيتها هاموت، لوكرهتها هاموت، هو العقل مالوش غير موت، فرح بفرح وهم بهم ووهم بوهم ضحك بضحك عيش وخلاص ومادورش علي سعادة بين الناس لو موجودة تبقي موجودة جوة عضامك عيش أيامك حس أحلامك علشان لو ماتحققتش تبقي في يوم عشت يومين، وأنا ياللي وياللي وياللي أنا اللي عشت في الدنيا في سنين،

يعني ايه ؟؟؟؟

يعني إيه صاحب بجد ؟؟؟
يعني إيه حب بجد؟؟؟
يعني ايه ابتسامة من القلب؟؟؟
يعني ايه دموع تسيل زي المطر؟؟؟
يعني ايه جراح قديمة ولسة سايبة أثر؟؟؟
يعني ايه خوف ووحدة وأه بتطلع مليانة شجن؟؟؟
يعني ايه بعد، وحيرة، يعني ايه قلة حيلة في المحن؟؟؟
يعني ايه حزن يمحيه حضن؟؟؟
يعني ايه قلب قريب يكون للدموع سكن؟؟؟
يعني ايه ضربة تألم تعلم تخرج أه من صوت مش قادر يتكلم؟؟؟
يعني ايه سكوت؟؟؟
يعني ايه فرح يموت؟؟؟
يعني ايه قلب اتكسر؟؟؟
يعني ايه طموح اتهجر؟؟؟
يعني ايه أمل انفطر؟؟؟
يعني ايه حلم تاه؟؟؟
يعني ايه حلم ضاع في كل اتجاه؟؟؟
يعني ايه كل الوشوش بقت أشباه؟؟؟
يعني ايه غضب؟؟؟
يعني ايه عمر اتحرق علي ألسنة اللهب؟؟؟
يعني ايه ويعني ايه ويعني ايه
مليون سؤال ومفيش اجابة

المرصد الإعلامي

عايش ليه؟؟؟؟
علشان حلم نفسك يتحقق؟؟
يا شيخ روح نام
بتقول ايه... ؟
طموح ... مستقبل
هو انت بتصدق؟؟؟
كل دي أوهام
نفسك في ايه ؟؟؟
أسرة وحياة؟ بيت وأطفال؟؟
ده شغل عيال
أنا بقي هاجيبلك المفيد
شغل ... شغل ... شغل
حتى يا بني أيام العيد
واوعي بقي تنسي التسجيل
وتفضل طول الليل تفحت تحرت تكتب
ده هايطلع حتة تقرير عبيط
وياريت في الاخر بيفيد ؟؟؟
فاهمة يا تغريد؟؟؟
وفكوني بقي من جو التقارير
وأصل ده خبر جامد وخطير
وده ليه علاقة بالخنازير
وماتنساش بكرة تبعت رسالة
يا اما بكرة هاتجيلها الحالة
فهمت يابني ؟؟
ونبي ده مرصد زي السكر
وكل اللي فيه ناس شقيانة
شغل ليل ونهار
دي العيال بقت غلبانة
وياويلك بقي لو لبست الملخص
دوشة ورغي مش بيخلص
وفي الاخر مفيش حتى شكرا ده مش عاجبها
واللي بتعمله قعدت محتارة
روحوا المرصد كده وشوفوا سارة
ونقول من تاني
فكرت تراجع ؟؟؟
وتشوف أخبار فيها مواجع ؟؟
أما بقي لو ماسك الحياة اليوم
يبقي عليه العوض دماغك باظت
دي خلاص هاصت
وآل ايه بتفكر في المستقبل
ونبي تتلم وبنصيبك تقبل
مش لو فضل فيك يا بني عقل
تبقي تفكر
وفي الاخر نصيحة أخيرة
من واحد في المرصد
اشتري نفسك
واسمع كلامي
وابقي تعالي زورنا من بعيد لبعيد
في المرصد الإعلامي

كل عام

كل عام وأنت بخير
كل عام وحبنا بخير
كل عام بيننا مضي
كل هوى في العشق قُضي
أتعتقد أن رؤياك من أيامي أُخذت ؟؟
أتعتقد أن سماء سنيني تشقي حنيني تجعل وردتي رُدت؟؟
لا تتعجل الجواب... لا تتعجل الرحيل
إن هواك لمني ما أخذه مستحيل
إن عيناك لشقاء...
ذُقت منه دمار وتذوقت منه المرار
دموع الهوى المكلوم في عرشه
دموع اللؤي المهموم من صبايا هوى ماكان ذات دموع قانية بلون قلب تألم من هوي ذي عشق بلا حدود
حب الحياة فيمن رسغ فيه...
عشق المحبوب
أعشق هذا علي هوي علي مدي سنين وأيام؟؟
أعشق هذا من صبر أم من لذة الأوهام؟؟!
أحقاً هذا حب أم هيام من الذي نشعر به أجمعين؟
أحقاً هذا حب أو وئام لا يكفي لو رضي به العشاق أجمعين؟؟
أشعر بالسلام مع روحي
ولكني أشعر بالظلام يغلفني
كم أشعر بالحنين لشئ مجهول لا أراه
أهذا نابع من حريتي؟
أم من احساس لا أتبينه
عشق لا أميزه !!
ذمام الحب بين يدي
ولكن عجباً لا أتحكم فيه
يتلوي من بين أناملي هرباً
وأنا لا أقوى علي الفرار أو الاقتراب
كم أتمني أن أعرف
الحب حيرة أم اختيار
الحب غيرة محبوب أم غيرة قلوب
أو هو ليس غيرة علي الإطلاق
أو هو حب امتلاك
حسناً في النهاية أود أن أقول ......
أشكر من ادعي للحب أسبابا
أشكر من حسب الغيرة حسابا
أشكر من عاد من الحب إيابا
أشكر من جعل العشق كالتراب...
يفلت من بين أصابعك سهابا

### يارب ###

أنا أشعر بالحزن وهو شعور قاتل
أنا أشعر بالحزن فلماذا أماطل؟
لماذا لا أجاهر بحزني وأصيح؟
أن لي قلباً مذبوحاً جريح
لماذا لا أشعر إلا بحاجتي إليك؟؟
يالله...
فلتبعث في الطمآنينة
والسكون إليك
فلن ألجأ إلا لك
ولا عون إلا منك
فلماذا ألجأ لأحد من خلقك
وأنا أملك اللجوء لك
****يارب*****
فلتزيل عني حزني
فإني من ثقله أنحني
وتحت همي أنثني
****يارب*****
ليست السعادة المطلقة هي ما أشتهي
فلا يوجد مطلق إلا حبي لك
إني أشكو إليك ضعفي
أشكو إليك خوفي
ولن أبوح بسري ....
إلا لك
ساجدةً لك
أطلب منك
دموع تبرد ولا تحرقني
وأن أقتل أوهامي...
قبل أن تقتلني
****يارب*****
لقد أعلنت توبتي
من ذنوب لا أعلمها
مجاهل حياة لا أفهمها
طعم مالح لدموعي التي تسيل في صمت
للتصبح عيناي مصدر حزن
****يارب*****
انتشلني من أوهام تسيطر علي كياني
يارب تقبل لجوئي إليك
حتى لا تهزمني أحزاني
فلن أهزمها إلا بك
****يارب*****
****يارب*****
****يارب*****
****يارب*****
****يارب*****

كنت أعلم

كنت أعلم أن الدنيا مهما أعطتني فلابد أن تأخذ المقابل عنوة، فقبل أن تصل ابتسامتي لحلقي، أجد ألم يتمخض ليلد صرخة وقد تتوالي الصرخات قبل أن أجد ابتسامة أخرى، ومع كل وخزة ألم أجد الدنيا تدير وجهها عني لتخفي ابتسامة شيطانية تتشفي في جراحي، التي لا أملك أمامها إلا الابتسامة الدامعة، فمزيد من الضحك قد يخفي الجراح ولا يشفيها، يبعد المواساة التي تزيدها وتشقيها، كم أتمني أن أعود كما كنت أنا، لا يشاركني في جراحي إلا ذاتي، لا أجد غير قلبي يسمع صرخاتي، كم كنت أتمني لو لم تكن لي تلك العينان الحزينتان، التي تصرخ بما في الوجدان، أتمني في يوم آلا تفصح عن ماضي حزين، صرخة مكتومة ترفض أن تستكين، تحطم ضلوعي مطالبةً بالخروج، أحاول قتلها رغم علمي أنها ستعود، وقتها سأكف عن المقاومة الزائفة، وسأعلن أني بالفعل خائفة، وحيدة وسط الرياح العاصفة، أعلم أني أتهاوى ولكن قلبي يخدعني ببضع نكات وسخرية، ويالها من طريقة ملتوية، أشعر بقيودي تشيد سداً لا يدخله قمراً ولا شمساً، يا حلمي الأحمق العقيم، كُف عن الحماقة فقد أصبحت وغداً، فكلما اقتربت من تحقيقك انبطحت أرضاً، لأجدني مع الحقيقة وجهاً لوجه،فيخفت صوتي ليصبح همساً، يطالب بحق ليس لي حقاً، فقد قتل خوفي الحلم وئداً، سأعيش فقط في الدنيا وقتاً، هنا أو هناك لا فرق ففي كل الأمكنة أُقتل قهراً، وفي كل الأزمنة أحيا فقط وقتاً