ماتعاتبنيش على صبري
وعلى اني حيرانة في أمري
وبضيع أيام من عمري
مهزومة وحيدة ببكي
ماتعاتبنيش
ده بكايا
حيلتي وطريقتي
علشان أطيب جراح جوايا
علشان أقدر أواجه مشكلتي
ومشكلتي إني حقيقي بحبك
كابوسي الكبير اشوف بُعدك
الموت عندي ده أهون
إني أتنفس من بعدك
وانت بعيد بعيد قوي
مش جنبي علشان اتطمن
ولا حاجة بعدك بتطمن
كل الخوف جوايا بيسكن
في الوحدة
لما أصحى والاقيني مع نفسي
مفيش جوايا الا هموم
اترجاها حني وبلاش تقسي
بلاش جرح جديد كل يوم
والحقيقة اللي خايفة أواجه نفسي بيها
لا البكا يوم بيشفي
ولا يوم الدموع بتختفي
ولا باقي غير سكة أمشيها
يمكن ألاقيك في الأخر
جاي تطمني
ويمكن أموت وتنسى الفرحة
انها وعدت يوم تسكني
