يا صديق لسة في العمري ياما 

ليه نعيش في حزننا غراقنين حزانا

 تعالي نسرق من عمرنا بسمة ومن أيامنا فرحة 

 تعالي نفكر نعيش دنيتنا اللي من أحلامنا سرقانا 

 ارمي همومك علي كفي وارسم بسمتي جوة عنيك

 هاتلاقي بسمتي تزيد وتكفي 

 طيب ارمي حزنك بطول ايديك  

وفتح علي الدنيا الخضرا عنيك 

 وكمل طريقك ... 

 هاتلاقي أحزانك بتدوسها برجليك

 يا صديق ياللي حزنك بياكل فيا

 بشوفك حزين بحس بطعم الآسية 

 بس لما بتفرح بتبقي ابسامة عنيك أحلي ما تشوف عنيا  

تسمح تحط ايدك في ايديا

 أستقوي بيك وتستقوي بيا

 ونبقي سوا شوكة في عود الدنيا الرزية

 شوكة تكسر الهموم وتولد فرحة  

فرحة تعيش طول اليوم وتغير طعم المرارة الجارحة

 يا محلي الدنيا بوجودك 

 اوعي الأحزان تكسر عودك 

 انت أجمل من ان الدموع تبني جوة قلبك سدود

 كسر سدودك 

 وابرز جنونك  

ده جنونك أحلي فيك  

مع طيبة قلبك ولمعة عنيك  

وكلمة بسيطة تسعدك تلاقي السعادة بتنطط حواليك 

 عيش سنك وأحلي أيامك

 هاييجي يوم تلاقي أحلامك

 وتعيش زهرة شبابك

 اللي دبلت في الهم  

صدقني يا صديقي رغم انك كبرت بدري

 بس لسة في العمر بدري

 وانت قربت تخلص رصيدك من الحزن في حياتك

 ويارب تعيش ومرسوم علي ملامحك بسمة

 وما أجمل بسماتك 

 انسي الحزن والدموع الضيق

 هانفضل سوا يا أطيب صديق

 -- إهداء خاص --

الحزن

عمرك جربت وجع القلب

وجربت قد ايه هو صعب

عمرك جربت انك من جواك تموت 

ولا قادر تتكلم ولا يطلعلك صوت

ودموعك تنزل بحرقة المظلوم 

يا تري مظلوم ولا موهوم 

عارف الأيام لما تتحرق 

وعمرك من بين ايديك بيتسرق 

وتيجي حتى تتنفس تلاقيك بتموت بتتخنق 

وتبقي كل أحلامك إن اليوم يمر من غير ما تتسكر 

خلاص مابقتش بتفكر تنتصر 

المهم ما تخسرش أكتر من كده 

أصل أكتر من كده يبقي موت من القهر 

يبقي قتل ببطء طول الدهر 

أصلاً مابقاش في حاجة تروح 

كفاية اللي ضاع والعمر اللي عايشينه من غير روح

عارف فكرة انك حزين 

وبتنزف دموع وألم ماتعرفش منين

وكل ما تيجي تقول مش هاتوجع أنا بتعود 

وبكرة أفرح وأتعوض 

تلاقيك بتخسر أكتر من اللي خسرته 

تيجي تعد اللي كسبته 

تلاقيه ضحكة مكسورة 

وبعجزك متجبرة 

وتلاقي أحلامك حواليك بتتفتفت 

ووتبعتر وتلاقيها تحت رجليك متنطورة 

عارف الحزن لما يكسر جواك حب الحياة 

ويخلي كل كلمة بتقولها تخرج مصحوبة بالأه

ولما تتبسط وتفرح يوم 

عارف إن ده مش هايدوم 

هو الحزن من امتي نسيك 

ولا بطل يحدفك بالهموم

وليه لسة بتفكر تعيش 

رغم إن مراحل حياتك واقفة وبتتكوم فوق بعضها 

لا قادر تعيشها ولا تخلص منها

ولا قادر تكرهها ولا تحبها 

وبقت حياتك مش متظبطة 

كل أحلامك متلخبطة 

مهما الكل طبطب عليك 

أو حتى مسحوا دمعة عنيك

لا حاجة بتريحك ولا بتخفف عليك 

أصل الحل مش بإيد حد غير رب العالمين

ليه مستكترين الموت علي حد حزين

يا تري خايفين عليك ولا علي بعدك مش قادرين 

مع انك لما تسيبهم مهما اتوجعوا هايعيشوا مرتاحين 

 كفاية انهم هايعيشوا وعليك مش قلقانين 

خلاص اتعرف مصيرك 

يا رب إنت أدري بالوجع 

انت أدري بالسواد اللي انا عايشاه 

الجرح البشع 

إنت أدري بالعمر اللي راح 

ووعدني بالرجوع وعمره ما رجع 

وأدري بقلبي اللي ياما فهمته إن الحياة تساوى موت 

بس للأسف عمره ما سمع

يا رب
 

يا تري مين يعزي في مين

يا تري مين اللي يعزي في مين ؟

قلبي يعزي في العمر الحزين؟ 

ولا الحلم اللي ضاع من سنين؟ 

ولا اللقي اللي مات قبل ما يكبر اتوأد وهو لسة جنين؟

ولا الألم اللي بيخرج بدل الصرخة أنين ؟

ولا الوجع والدموع اللي علينا مكتوبين؟

والعقل والقرار السليم اللي داس عليهم مرارة الحنين؟ 

يا تري مين يعزي في مين ؟ 

حبي يعزي في قلبي اللي مات من الحزن الدفين؟

ولا دموعي اللي بتاكل فيا وكل اللي حواليا مش حاسين ؟؟ 

مين يعزي ضحكتي اللي بقت مجرد رسمة علي الشفتين 

لا بتدل علي سعادة ولا فرحة 

ضحكة بتدمع بعد كل كلمتين 

عرفت مين هايعزي في مين 

أنا كلي هايعزي في كلي 

علشان كل حاجة جوايا بقت شبه الميتين

إليك أنت فقط

ويمر يوماً أخر
ومازلت أحصي الأيام لألقاك
فأنا مازلت لدفء حبك أشتاق
ويمر اليوم يليه أيام
وأنا من داخلي أعيش علي حلم براق
أن يوماً ما ستكون معي
يوماً ما ستجفف أدمعي
قد لا تعلم مدي اشتياقي
فأنا مازلت أرسم ملامحك في أوراقي
مازالت تؤلمني الذكريات
أتتذكر يوم كنا معاً
حينما أغمضت عيناك علي كتفي من الإرهاق
كم أتمني أن ألقاك
لأريك ملامحك في عيناي
تهدج صوتي حينما ينطق اسمك
دموعي التي تنحدر علي شفتاي
ألمي حينما لا أجد إلا صمتك
لأجدني أتحدث إلي صورتك في مخيلتي
أتعلم كم أفتقد صوتك
كم أفتقد في الغرام حبك
أتيقن كل يوم
أنه مثلما لم يكن هناك قبلك
لن يكون هناك بعدك
أبتسم دائماً
وأضحك دائماً
والجميع حولي يضحكون
إلا أن قلبي يحييا هائماً
عقلي ذو دعابة حاضرة
تحمل شفتاي ابتسامة ساخرة
عيناي دائماً ساهرة
لاتنام
فكنت دائماً ما أنام علي أنفاسك
يهدهدني صوتك ويغمرني إحساسك
أتعلم أنك من منحتني معني الأمان
وبحبك خطوت في النيران
وبعدك
يظل قلبي في الوحدة ظمآن
رغم وجوده في الزحام
وتمر الأيام وهم دائماً حولي
ولكنك .. أنت فقط
من تعيش داخلي
أحبك
ومازلت أحبك
مازلت أعشق رائحتك في أنفاسي
لمستك لي
نظرتك لي
التي تبهر احساسي
أحبك وأتذكرك في تلك الليلات
أتتذكر ؟
ذكري يوم ميلادي
عندما تنكسر في حبك أصفادي
كم أشتاق لهدياك التي تحمل حبك مغلفاً بالهيام
أكتب لك الآن وقد تبللت بالدموع أهدابي
ممنونة أنا لأصدقائي
قرروا قضاء اليوم معي
يعتقدون أن ذكراك سر شقائي
ولا يريدونني أن أنزف أدمعي
أه لو يعرفون أن تلك الذكري هي ما يحييني
فأنا أعيش عليها كي تمر سنيني
إني أعتذر
ويبكي قلبي بكاء حار
فسأكون بعيدة في هذا اليوم
وإني لمن بعدك أنكسر
ولكني أعدك
أن الليل سيكون ملكك أنت
بين ذراعيك أنت
لأني أحبك أنت
إني مازلت علي العهد
مازلت أحفظ الوعد
مازال قلبي لك
يتبقي لي طلب
فلتحضر معك بعض الذكريات
نلوكها ليلاً وسط البسمات
وتتركها لي وقت رحيلك
كي لا تسيل دموعي عندما أتذكر
لحظة الممات

نفسي أطير يا حلم عمري

أنا نفسي أطير

وأفرد جناحي الكبير 

أنا عاوزة أطير 

******

هاطير وأروح لحد حدودك 

اللي ماشافهاش بشر 

هاخلي جناحي يرسم صورة 

منورة جنب القمر 

ولمعة عنيا في نظرة عنيك 

بترجعني لشوقي إليك 

بترجعني للحظات جنونك 

بسمة عيونك 

دمعة دافية 

نازلة تعبر عن شجونك

هاخدها وأطير

******

هاخدك معايا علي جناحاتي 

علشان تكون معايا في عمري 

وتعيش معايا أحلي أوقاتي 

وسيبنا الهم خلاص بعيد علي الأرض 

الهم اللي عجزك وعجزني معاك 

وفي لحظة حسيت اني ممكن أنساك 

بس لقيت في يوم وليلة 

راحت مني ليالي نسيان طويلة 

واتاريني يا حلم عمري

لسة فاكراك 

ياريت تثبت علي موقفك 

خليك معايا وانا هانقذك 

انت فكرتي 

انت بسمتي 

انا اللي هاخرجك للنور 

وهاتبقي انت ونسي وصُحبتي 

ياللي محدش كان مصدق وجودك 

جوة أرضي بنيت حدودك 

وفي قلب غيري بنيت سدودك 

إنت أنا، حلم عمري أنا وملكي أنا 

******

أنا يوم ما أطير بجناحي 

والناس تسمع صياحي 

دي أصوات سعادتي وأفراحي 

يارب بقي ينسوا عويلي 

وانا شايفاك بتضيع مني في إيد غيري 

لا هايصونوك 

ولا يستحقوك 

وهايسيبوك 

انا معاك بس عشت الحرية 

ونسيت جراحي 

وهطير معاك بجناحي

***********************

المرة أنا كاتبة بمناسبة إني بدأت أول كلمة في حلم عمري اللي توقعت إني نسيته 5 سنين ورجعت افتكرته تاني، وربنا حطه في عقلي تاني بعد ما كنت يئست خلاص يا رب قدرني أكمله علي خير وأشوفه قدامي ياااااااا رب

بائع الحلوى

كنت أسير يوماً في طريقي

يحرقني قيظ الشمس 

لا أسمع سوى صوت خطواتي 

وكل ما عداها همس 

تنظر عيناي لأسفل 

لا تنظر للأخريين 

بدونك الجميع بذات الملامح 

مثلهم كمثل الباقيين 

لا يثيرني أحدهم أو يترك أثراً في خيالي

بل أن أحادثيهم كثيراً ما تفوق احتمالي 

إلي أن استوقفني بائع الحلوى 

وكان بطول ليالي الشتاء 

مسربل بالأسود من الرأس حتى الحذاء 

يعرض عليّ شراء مما يحمله 

موضحاً لي كل نوع وما يمثله 

فرفضتهم واحداً تلو الأخر 

إلا أنه في جبعته ما ليس له أخر 

**** 

هذا نوع أحمر اللون ثمنه نفيس

يمنح السعادة 

ولكن بشكل خبيث 

فإنها سعادة قصيرة 

وإذا أردتي أن تطيليها 

فاشتري منه كمية كبيرة

****** 

وذلك أصفر اللون 

يمنع عنك الأحزان 

ويلون سواد العمر 

كيما تشاءين وبأية ألوان 

وإذا أردتي الأفضل فاختاري اللون الأصفر 

فتجديه يلمع كالذهب 

ويبقي أينما ذهب 

****** 

وذاك الأزرق القاتم 

يقتل خوفك القادم 

جرئ كالذئب 

عميق كالثقب 

صامت كالشهب 

لامع كالذهب 

يمنحك فائدته بلا آثار جانبية 

فهو أثمن ما في الصندوق 

وقد يصبح في الوحدة صديقٍ صدوق

******

لا يتبقي إلا أسود اللون 

لا تعرفين ما بداخله
وهو لن يمنحك إلا ما داخلك 

فقد يمنحك الخوف

وقد يمنحك الاطمئنان 

وقد يمنحك قبس من الأمان 

وقد يمنحك الصمت 

أو بعض من المقت 

وقد لا يهديكي إلا الموت 

******

فابتسمت ابتسامة حانية 

وقلت لبائع الحلوى

ضع حلواك فوق بعضها 

إلي أن تصنع صف طويل هي الآن تبلغ طولي 

وانا الآن أقف أمامها 

أمتلئ بكافة تلك المشاعر 

الباطن منها والظاهر 

ولكن كل محاولاتك للبيع لي بلا جدوي 

فالمشاعر لا تُمنح 

كما أن أنا لا أحب الحلوى