أنا مش قادر أبقى حنين
ومش قادر أفضل أطبطب
ومش قادر كمان أسامح
ولا ألاقي لحزني مهرب
مش قادر أفضل أكذب وأقول خلاص صفيت
ولا عارف أبقى صادق
وأقول إني نسيت
ولا قادر أسيب خط الوسط
وأنا واقف رجل في كل جنب
مش عارف حيرتي دي شيء مكتوب
ولا انا اللي عليا ذنب
مش قادر أسايس نفسي
ولا عارف أخدها بالغصب
أنا عاوز أفضل ساكت شوية
يمكن السكوت يرجعني
ويمكن أزهق من السكوت وأتكلم
حتى لو الكلام هايوجعني
وجايز أنادي عليكم وأطلب حد يسمعني
ويمكن أقرر فجأة أموت
وممكن وجودكم من الموت يمنعني
