أنا بتفاءل بحبك ليا
وكمان بتفائل بحبي ليك
وبيملاني تفاؤل أكبر
لما بسرح في براح عنيك
وبضحك كتير من قلبي
لما بشوفك جاي عٓندي
شوقك وحبك كسروا عِندي
ويبعد الخوف اللي جوايا ساكن
ويفضل قلبي بيك ساكن
وأطوف في عنيك في كل الأماكن
وألاقاني بحب كبير حامياك
بعدد أيام اللي جاي شارياك
وهايفضل في العمر بقية
طول ما انت موجود هناك
على قمة جبل الحب هاتلاقيني
واقفة مستنياك
يمكن بمدلك ايدي
يمكن أكون قتيلتك في الغرام
وإنت تكون في الحب شهيدي
يمكن تعيش في حضني سنين
وتطرح معايا عشق في تنهيدي
يمكن تلمس البهجة بروحك
وتقولها اكتري وزيدي
وأكيد كل يوم في لقاك
هو يوم بهجتي وعيدي
ليست هناك تعليقات:
إرسال تعليق