عن شوية الحنية لما راحوا
عن شوية الهم والزعل
والدموع اللي بَعدك ما ارتاحوا
لا هما نزلوا ولا فضلوا في مكانهم
عن قلب زعلان ومش عارف إيه حصل
والحزن اللي فاكرينه بيبعد
أتاريه لحد قلوبنا وصل
والفرح اللي بنرسم بسمته
أتاريه ميت من وحدته
وقع أسير في سكته
لا لقى اللي يداويه
ولا حب فكر يسنده
عن شوية أحلام اتفرقوا
وشوية ابتسامات وسعادة اتشتتوا
ورعشة من موجة
برد ضعيفة
بس أثرت في
مشاعره اللي اتفتتوا
وكلمات الحب
والهيام
اللي بعدك صحيح
ماتوا
بس في وجودك اتمرمطوا
عن عيون عشقت
وجودك
بس نزفت من جحودك
واتقلت من برودك
عن ناس بيحبوك
حقيقي
بس من جرحك ليهم
عن حبك بيسكتوا
ليست هناك تعليقات:
إرسال تعليق