يا تري مين اللي يعزي في مين ؟
قلبي يعزي في العمر الحزين؟
ولا الحلم اللي ضاع من سنين؟
ولا اللقي اللي مات قبل ما يكبر اتوأد وهو لسة جنين؟
ولا الألم اللي بيخرج بدل الصرخة أنين ؟
ولا الوجع والدموع اللي علينا مكتوبين؟
والعقل والقرار السليم اللي داس عليهم مرارة الحنين؟
يا تري مين يعزي في مين ؟
حبي يعزي في قلبي اللي مات من الحزن الدفين؟
ولا دموعي اللي بتاكل فيا وكل اللي حواليا مش حاسين ؟؟
مين يعزي ضحكتي اللي بقت مجرد رسمة علي الشفتين
لا بتدل علي سعادة ولا فرحة
ضحكة بتدمع بعد كل كلمتين
عرفت مين هايعزي في مين
أنا كلي هايعزي في كلي
علشان كل حاجة جوايا بقت شبه الميتين
ليست هناك تعليقات:
إرسال تعليق