مفيش حاجة بتفضل على حالها
ولا بتفضل بدرجة جمالها
توبها مع الحزن
بيبقى أسمالها
والدموع بترسم أشكالها
مفيش حاجة بتفضل على حالها
ولا تبقى أبدا زي ما كانت
ولا الحزينة عمرها ما فرحت
ولا الجميلة عمرها ما خانت
وياما الغالية إتغدر بيها
واتجرحت وياما هانت
لا الأسود بيفضل قاتم
ولا الأبيض بيفضل منور
الأسود كتير بيبهت
والأبيض أصلا باهت
ولا الظالم بيطلعله قلب
ولا المظلوم بيفضل ساكت
ولا الصداقة بتفضل قوية
ولا الحب بيفضل ثابت
ولا الي بيتنفس يبقى حي
ده ياما ناس جوة نفسها
ألف مرة ماتت.
ليست هناك تعليقات:
إرسال تعليق