بيقولوا انك مش حقيقي ...
بيقولوا ومايعرفوش إن حتى بعدك بقى كيان
موجود جنبي وصديقي
بيقولوا إني وحيدة
وإني بخبط في العتمة
بخطف من قلب الخوف
ابتسامة أرسمها في الضلمة
ما يعرفوش إن حتى وحدتي
بتونسني في وحدتي
وبتحكيلي حكايات
تقتل بيها نفسها
علشان تحيا من جديد
وتكون رفيقة في سكتي
بيقولوا عليا مهمومة
مجروحة ومكلومة
مايعرفوش إن في قلب الجرح
في ضحكة مرسومة
ومن القلب بجد
لأنها بتهون دموع
لأنها بتمنع الوجع
يمسك في الضلوع
ويكسرها ويحنيها
