ليكون نسي اسمي
أو نسي أنا أبقي مين
ليكون نسي الأشواق
والحب والحنين
نسي سهر الليالي
والبكا والمواويل
نسي دموع في يوم مسحها
أو يمكن رمي المنديل
نسي أيام طويلة
شكينا فيها للنيل
يوم ما خطت خطاوينا
فوق حب نحيل وعليل
مرت كام ذكري
وهو ما اتكلمش
أنا أصلا مش فاكرة
من كترهم ماعدتش
ويمكن أنا اللي حزنت بدري
طيب ليه ما استنتش
مع اني استنيت أيام كتير
رسم فيهم الحزن
خطوط العجز علي الجبين
وخايفة ليكون نسي إسمي
أو نسي أنا أبقي مين
ليست هناك تعليقات:
إرسال تعليق