لما كتير بكون خايفة
ومحتاجة حد يطمني
ساعتها بكون مش شايفة
وجودك بس هو اللي هاممني
بس ساعتها الاقيك سايبني
ألاقيك بعيد
وبتديني شوية كلام
أخره كلام
حلو وبيفرح
بس شبه الأحلام
مفيهوش حاجة بتحقق
ولما تدقق
هاتلاقيني لسة لوحدي
وانت بعيد
عندك حاجات كتير غيري
مخلياك سعيد
بس أنا ماليش غيرك
.. عارف انت
لما تكون بتحب
وانه علشانك اتخلق الحب
من كتر ما بتحب
وتيجي تدور على حبيبك
ماتلاقيهوش
هو فين ؟
تنادي عليه ماتسمعهوش
هو فين
خليني أول اهتماماتك
مش كلها
خليني الأساسي في حياتك
وده مش هايبعد الحاجات اللي بتحبها
بس صدقني
لو انا في نظرك مش مفيدة زيها
بس محدش هايحبك قدي
محدش غيري هايتمنى الموت
علشان انت تعيش
ومحدش غيري فعلاً هايموت
لو انت مفيش
يوم ما تحزن أنا اللي هاكون موجودة
واقفة جنبك
انا بس اللي هاقدر
أطبطب على قلبك
انا بس اللي هاكون
معنى حبك
ليست هناك تعليقات:
إرسال تعليق