البحر

دموع بطعم ماء البحر 

قطرات تتوه داخل الموج

تموت كأنه يوم النحر 

وتنبت من جديد كأدمع 

وتُذرف من جديد .. 

كما السحر 

وفي سماء تبكي تحتها

وآهات كتومة تتلوى

فتبكيها النجوم 

من ألم صمتها 

وتعلو الأمواج بهدير غاضب 

تنتحب من أجلها

تصدم صخور من يأس في صوت مدوي

وتتناثر قطرات محدثة دبيب ضئيل

هو كل ما تبقى من صوتها 

وفي الأفق البعيد تتلامس الأمواج والسماء 

ليغلقا دائرة الحياة القاسية 

تكلمي عن آلامك 

أو استسلمي

للأمواج الفاشية

استسلمي لعناق صامت 

ساخن .. غاضب .. ساخط 

عناق بطعم الموت

يبتلع روحك في صمت 

وما بقى في أناملك من قوة 

تتحرك بهستيريا

لتبعثر آلام مقهورة

صمتت على أشياء وأشياء 

فلقبت بالصبورة

ولكنها في الحقيقة من آلامها 

خجولة 

لم تعد تملك إلا الاستسلام 

وأسلمت جفنيها لحركة الهواء 

موت هو أو نصف موت

هي فقط كانت تتمنى أن ... 

تنام 

كان حلم

كان حلم

بس حلم

بس فيه معنى الحب

يمكن أول مرة من سنين

يبقى عندي حلم

وألاقيك فيه

قاعد جنبي

موجود قربي

واخدني في حضنك

ايدك على كتفي

حتى نفسك باخده كنفسي

وبعدين أبصلك

وأفكر أسألك

لسة كل حاجة فيك زي ما هي ؟

كل حتة في حضنك مكشوفة أو متدارية ؟

لسة هي هي ؟

لسة الدفا موجود ؟

لسة حضني مرسوم نجمة على عودك ؟

لسة شوقي جوة قلبك بيتنفس وجودك ؟

لسة ايدي قادرة تمسح من ملامحك همومك ؟

زي ما انت لسة مرسوم جوة قلبي حبيب

لسة لمستك لأي وجع دوا وطبيب

لسة قلبي بينادي في الخلا

على الهوى

وكان حضنك هو المجيب

شيء عجيب ...

لما تلمس روحك

في حضن حبيبك

إزاي تحس بوجودك

في حضن غيرك

بس غيرك هو انت 

حبيبك انت 

نفسه اللي خارج منه

بتاعك انت

زي ما روحك ملكه هو

وكل ما فيك في حضنه هو

برة وجوة

ملكه هو

اتنين ودابوا في الحنين

اتنين ناموا في حضن الهوا ...

عاشقين

هذا الذي

هذا الذي يأتي من أبعد نجمة في السماء 

هذا الذي لا ترى عيني غيره ضياء 

هذا الذي يحمل في مكنون عشقه 

كل الأفعال ... كل الأسماء 

هذا الذي من قبلته تعيش الأحياء

تتذوق الحب والصفاء 

فلا تأفل فيموت الحب صمتا

ويصبح قلبي أسير عشقك 

وقبلاتي لك شهداء 

حبك

أنا لا أخشى الحزن ما دمت أنت معي 
في أحضان هواك تموت أدمعي 
أنصت لدقات قلبك كالموسيقى 
تخبرني أنفاسك أن اسمعي 
وفي أحضانك يأمرني الهوى 
ان استمتعي
اقتربي من أنفاسي كوني معي

تشجعي

أنا لا أخشى الصمت في وجودك

ففي صمتك أحاديث بلا حدود

تنهل من كلماتك القلوب

تبتهل حد السجود

يبتعد في حضرتك الألم

ينكمش البؤس ولا يعود

ولسيرتك الأولى يكون المأوى

ننتظم أنا وقلبي في سيرنا لعشقك

كما الجنود

أنا ونفسي وكل ما لي

في هواك بعضٍ من جندٍ

لا نملك أمام قبلتك أي صمود

لا نملك إلا الذوبان بك

تنهار أمام عشقك كل السدود

ونحيا على فقط على حبك

وتظل أحلامي على هيامي بطيفك

شهود

الخوف

ومن الخوف بنحفر حفرة

ومن الرعب تكبر أكتر

وتبقى فجوة

ونقع فيها من مجرد فكرة

ونفضل نقع وسط الكوابيس

لحد ما فجأة

نخبط في صدمة

وقاعدين نقابل في علامات

بس لا فاهمين

ولا عاوزين نفهم

ولا قادرين نستوعب إنها علامات

لبكرة

 ونضحك على روحنا ونقول عايشين في فرحة 

واحنا مستنيين الألم 

يقضي على الخوف 

بس تيجي الصدمة لما نلاقي الألم 

قضى على وهم الفرحة 

وساعات تبقى في قلوبنا 

فرحة خايفة ومرعوبة 

وكأن الفرحة في زمانّا 

لازم تبقى معيوبة 

أو تسبقها دمعة ألم 

ويمكن تلحقها دمعة ندم 

ونقطع وعد على جراحنا 

ما نكرر الفرحة 

ولا نفكر يوم نسرقها 

من قلب الخوف .. 

والشجن

مش مصدقة

وكتير بكون مش مصدقة 

اللي حصل واللي كان

طيب اللي هايكون 

وشوية الأحاسيس المتفرقة

اللي انا بيها متغرقة

مش مصدقة 

وساعات أكون مستنية أفوق

أو اصحى من أحلامي وأنزل تاني تحت

وأبطل في حبك أطلع لفوق

فألاقي لمستك تخليني اصدق

نظرتك علمتني أحبك

بسمتك خليتني اعشقك

انت خليتني اصدق حبي ليك

وحبك خلاني أصدقك 

إنت

إنك تحلم حلم جميل وناقص بس ترسمه 

وتفضل تدعي ربك ما تيجي يوم ظروف

 بقسوة تدوسه وتهدمه 

وتفضل تطبطب على قلبك وتكلمه 

بعيد عن الخوف اللي دايماً بيصدمه 

انت الحب في وقت كان الحب فيه حرام 

وكان العشق القلب بيستحرمه 

انت النفس وقت ما كان النفس مش موجود 

وانت الرضا اللي شايل همي ومستحمله 

انت الأمل اللي شايل القلب 

وعلى القلب بستأمنه 

انت العيون اللي أخدوا روحي 

واتمكنوا

والهوى اللي سكن أحلامي 

لحد ما ليك استسلموا 

واترسموا على اسمك 

نور عنيهم زي شمسك 

ومع بسمة شفايفك 

كل أحلام وأماني الهوى 

اتحققوا 

وداع

الوداع ...

ها أنا أترك هذا المكان

ها أنا أتنحى عن تلك الذكريات

اتجه للجانب الصامت مرةً أخرى

صمت العاشق حتى الممات

صمت يغلف الهواء

صمت يغفو حد السُبات

ها أنا مقتول ينزف حتى الموت

وفي دمائي معاني الثبات

وتظل البسمات تقطر الماً

حتى تصل حد الممات

فلماذا؟

لماذا نصحو من نوم

قطفنا فيه من الموت ثمرات؟

لماذا نستقبل يوم جديد

يحمل من الفراق ما هو آت

تتقهقر الأحلام للوراء

فتجرحني في سيرها بالشفرات

تحمل المعاناة أكثر من الألم

وتبخل عليّ بأمل الفُتات

 تختزل قلبي داخل البكاء

وتحيا على قدر الدمعات

تُثار من ألمي الخفي

ولا تشتهي إلا الآهات

وتبني طريق ملئ بالثغرات

لتنتشي بالألم

وكل ما هو آت