اقراني صح كما قال الكتاب
اضحك في وشي من غير عتاب
واسأل دايما بلاش الغياب
تعالى نحلم لحد النجوم
ماتخليش وجع الحقيقة
يهزمنا ومن أحلامنا نقوم
طيب تعالى نبكي
لحد ما نموت
ودموعنا تنزل سيول
ف بكا من غير صوت
مين قال مفيش ألم ؟
ده مفيش أقسى من ألم السكوت
تعالى نجري مشاوير مشاوير
تعالى نعدي من الطريق الطويل
علشان نفضل فترة أطول سوا
تعالى نسيب ملامحنا للهوا
ينحتها ويشكلها
ونسيب حتى التراب يجرحها
خلي الجراح دي ترسمها
طيب تعالى نكتب كتير
ومن حروفنا نرسم رسمة
تعالى نرسم وش كبير
ونحط عليه خط البسمة
وحواليه كلام كتير
عاوزين حروف تعمل زحمة
المهم تعالى نعمل حاجة
تعالى ندخل في قلب الدنيا
حتى لو هي مش محتاجة
ليست هناك تعليقات:
إرسال تعليق