أنا صورة بهتانة محتاجة تتلون جديد
والفرشاة ناشفة والألوان مرمية بعيد
والصورة مر عليها الزمن واتشققت
وما صدقت ...
حست بحد قرب منها
طلعت أخر ضي جوة عيونها
وقررت ...
تلمع من جديد
أنا صورة بهتانة اتلونت من جديد
من برة بتلمع زي أي شكل جديد
بس البهتان لسة مقرب من روحها
والبسمة بس بيشوفها اللي واقف بعيد
أنا صورة بهتانة فهمت متأخر
إنها كانت محتاجة ...
تترسم من جديد
ليست هناك تعليقات:
إرسال تعليق