لازم أعيش

لو قادر تعيش من غيري 

أنا برضه أقدر أعيش 

وليه أوجع ضميري 

وبُعدك ماموتنيش 

ماتكذبش وتقول إنك 

في بُعدي تعبان 

وماتكذبش وتقول إنك بس 

بالإسم إنسان 

أحب أقولك 

إني من يوم ما صدقتك 

وأنا عايشة في بؤس وحرمان 

بس انت بقي 

قادر من غيري تعيش 

قادر تكون 

قادر تدوس علي الدمع 

وأنا كمان لازم أعيش 

ومايهمنيش 

لازم ما أبكيش 

لازم أنسي 

حتى لو انت مانستنيش 

سحابة وبتعاكسني ساعات

سحابة وبتعاكسني ساعات 

بتفكرني بالأمنيات 

بترسملي بسمة الأحلام 

بتحلي مرارة الأيام 

سحابة وبتلاحقني كتير 

فيها حكايات كما الأساطير 

أرسم وألون فيها أحلامي 

حتى اللي من المستحيلات 

سحابة ومعايا في كل مكان 

سحابة تمسح دمعة أحزان 

سحابة موجودة في كل زمان 

سحابة بخيوط شمس دهبية 

تطبطب علي كتافي بحنية 

تلمس خدودي أحس بسخونية 

أتبسم ابتسامة وردية 

أطير في عالم تاني جنان 

عالم فيه السحاب ألوان 

تغمزلي بعيون جميلة شقية 

يمكن يكون ماتحلتش مشاكلي 

يمكن يفضل صاحي حزني 

بس السحابة اللي بتعاكسني 

بتوعدني بكل الحاجات

وتمشي ورايا 

تعاكسني ساعات 

إنه الموت

عندما تتراكم في عقلك المحن 

وتجد أنك لا تقدر بثمن 

ربما لأنك في الحقيقة ..... 

بلا ثمن 

والآن فلتعترف بتلك الحقيقة 

عندما يصاب أحدهم 

ستكون أول الساهرين 

وعندما يشفي .....

ستكون أول الشاكرين 

وعندما يتعافي ...

 ستكون أول المُهمَلين 

فلا تبتئس 

أو تحزن 

ودع الأحزان تخرج من قلبك 

فما أنت إلا ذكري للمرض 

وهذا ما يمقتونه مقت 

إغرق وحدك في حزنك 

أو إضحك 

طالما ظللت تضحك 

ستظل للقوة تملك 

 إدخر أخر قواك 

للتبسم 

حتى تخر أرضاً مرة واحدة 

لا تشعر بمن شعر بسقوطك 

وبمن تمني سقوطك 

فكلهم سواء الآن 

إنه الموت 

الذي ينهي وجودك 

وينهي معه آلامك 

إنه الموت 

الذي يقضي علي سعادتك 

ولكنه كذلك يقضي علي أحزانك 

إنه الموت الذي لا يفرق معه إن كانت ملابسك جديدة 

أو ترتدي أسمالك 

إنه الموت

حزينة متعَبة

حزينة هي ومتعَبة 

شاردة النظرات 

ساهمة 

تنتطفئ في وجهها اللمعات 

ووتتبدل البسمات 

تنحدر الدمعات 

صامتة ... قاتمة 

تلوكها نفسها كثيراً 

لائمة 

لماذا يا حمقاء 

لماذا لا تفهمين 

لماذا تصرين 

علي ارتكاب ذات الجُرم 

أصبحتي علامة متكررة 

علي جدار الجريمة الشنعاء 

وتصرين علي تكرارها دوماً 

لأنك كما جرت العادة 

تسعدين لكونك حمقاء 

حزينة ومتبعة 

وتصرين علي الابتسام 

وأهمية إخفاء اللآلام 

حتى تقتلك وحدك 

وتخرجين حينها عن صمتك

فلا يرون في صرخاتك 

إلا مصدر للضوضاء 

فتتكورين علي نفسك 

حزينة متعبة 

لم لا تكوني يوماً 

منهم غاضبة ؟

لم لا تكفين عن تنقية روحك ؟

اتركيها يوماً 

تشوبها تلك الشائبة 

لعلهم يدركون 

أي جراح تعانينها 

آية آلام في صمت تتحملينها 

لعلهم يدركون أن تلك الهمهات التي تصدر عنك 

ليست بفعل الغناء 

ولكن الآلام من ثقلها

تخرج أنينها 

كفي عن كتم الصرخات 

وعندما يؤلمك أحدهم 

لا تخفي تلك التآوهات 

وإلا 

فلن يبقي عندك قوة 

لتحمل الضربة القادمة 

ستكون حقاً قاضية 

أعرف أنك تشتهي الموت ولا تجدينه 

ولديك كل مقومات الحب 

ولا تعيشينه 

أتبادلين حبِك بموتي ؟؟

وإنها لصقفة عادلة 

أشتهيها حقاً

إن كففتي يوماً عن الآم بمفردك 

قد تجدين العيش رغداً 

سحقاً 

لمن ينتظر 

كلمات تخرج من شفتيك 

أو دموع تغادر مقلتيك  

تعبر عن الألم

سحقاً 
لمن يطمئن من حروف فقدت جدواها 

لا تعبر حقاً عن مكنون نفسك 

أو فحواها 

إن كان هؤلاء ملوا حقاً 

فليذهبوا بعيداً 

أو ليبقوا 

متدثرين بالصمت 

فصمتاً 

صمتاً لحياة تخبوا وهناً 

For me

 

For my self
Your are not alone
I'll be always there
Just for u
So, you can go on
Don't stop
At every thing gone
Take it as a rule
What disappear
Not able to be from your gear
Just take off
this old wear
And wear the older one
To see yourself as a sun
Always shine
After every thing gone
And you must know
That our solar system
Has only one sun
It's must be you
Only you

علمتني (1)

1 - إني يوم ما أعمل حاجة ما أعملش المطلوب مني لكن أعمل اللي أقدر أعمله.

2 - إني أفكر بحيادية في كل حاجة، وإني أدي للناس حقها علي قد ما أقدر لأني بتعامل باللي جوايا مش اللي جواهم.

3 - إن مفيش حد وحش من نفسه، وإن لازم يكون في مبررات لأن من غيرها هانكره نفسنا، وإن الانتصار الحقيقي هو الانتصار علي المبررات الواهية.

4 - إن الحب الحقيقي إنك تحب اللي محتاجلك مش اللي انت محتاجله.

5 - إن يكون ليا بصمة في تفكيري.

6 - إني مش مهم أخبي عن الناس تفاصيل حياتي، المهم إنها يوم ما تتعرف أعرف أواجههم.

7 -  إن أجمل مبادئ الحياة إعرف شئ عن كل شئ واعرف كل شئ عن شئ.

8 الحب مش إني أحب اللي ما أقدرش أستغني عنه، لكن أحب اللي حبه يخليني ماقدرش أستغني عنه.

9 - إن تأثيري في الناس مش لازم يكون وقتي، لكن علي المدي الطويل هو الأبقي.

10 - إزاي أكون أنا.

ربنا يرحمك

اضحك

عاوزاك تكون مبسوط 

تحس إنك مبسوط 

وتعيش مبسوط 

دايماً مبسوط

خبي دموعك 

جوة ضلوعك 

اضحك اضحك 

دايماً اضحك 

وخلي الضحكة بأعلي صوت 

الضحكة بتوجع ؟؟

مش مهم 

وجع الضحكة مش هيعلم 

اللي هايقتلك كلمة معلش 

لو سمعتها هاتموت

اضحك اضحك 

مهما يكون 

اضحك بصوت عالي 

كما المجنون 

هايقولوا مجنون ؟؟ 

سيبهم يقولوا 

اللي بيقولوا مش عايشين جواك 

عارف اللي حاسين بيك هيقولوا ايه ؟؟ 

هايقولوا مهموم 

بس مداري 

اضحك أكتر 

وطفي نارك 

نارك ناري 

اضحك أعلي وأعلي وأعلي 

خلي الصوت دايماً يعلي 

يعرفوك من صوت الضحكة 

صوت الضحكة دايماً أعلي 

حتى لو الأحزان هاتعلي 

اضحك تاني 

واضحك أكتر 

الضحكة لو مش هاتحلي يومك 

مش هتمرر 

اضحك ضحكة حتى لو حزينة 

مش لازم تكون زي السكر 

المهم تضحك 

حتى لو دموعك جواك بتقطر 

 يوم ما يبطل الصوت 

والضحكة تموت 

اوعي تعيش 

من غير الضحكة 

تهون الحياة 

وييجي الموت

 

إلي صديقي

هو انت تقدر تخليني أرجع أبتسم 

طيب هو انت ممكن تخليني أبطل أتقسم 

تقدر ترجع دموعي جوايا تاني ؟

طيب تقدر ترجع الحلم ؟؟ 

تقدر تهد من حواليا الوهم ؟؟ 

تقدر كمان تعدّلي ذنوبي 

وتخليني أواجهها ؟

تقدر تخليني أبطل هروبي ؟

طيب هتقدر تخليني أنام ؟

 تقدر ترجعلي احساس الأمان ؟ 

تقدر تقتل شوية 

بس شوية من الأحزان ؟؟ 

تقدر بجد تدفي القلب اللي عايش سنين بردان ؟؟

أنا عارفة إنه صعب

إذا ماكانش مستحيل 

ساعات الوجع بيخنقنا 

ويعمينا عن السبيل 

نيجي بقي للسؤال 

انت عارف أنا قلت الكلام ده ليه ؟ 

علشان ماتجيش تسألني مخنوقة كتير ليه ؟ 

ومصممة تضيعي حياتك 

عايشة بس علي ذكرياتك 

عايشة في عالم افترضي 

بتحاولي فيه تحيي الماضي 

أنا أصلاً ماعنديش غير كدة 

عارف الحد اللي جسمه كله جروح 

ومابقاش عنده مكان ممكن يتجرح تاني 

ساعتها هاتلاقيه بيحافظ علي جراحه القديمة ويخليها دايماً موجودة 

أحسن يتجرح تاني

عارف ....

كتر الجراح ده شعور مش إنساني 

عارف احساس القلم اللي خايف يتقصف

ويبروه وعمره يقصر 

فكل ما ييجوا يكتبوا بيه يتكسف

فرموه علي جنب وسابوه يتحسر 

لأنه اكتشف 

انه لا قام بدوره وكتب 

ولا حافظ علي نفسه 

أصل الدنيا قصفته 

بس الوقت مابيرجعش 

ولا بيستني 

وكل الوقت ما يمر 

بيبعد الفرح عنا

وتفضل الأحزان أحزانا

تفضل الأوجاع مكتوبة بإسمنا 

ويا تري الأوجاع بتزيد

ولا اللي بتزيد أسمائنا 

عارف إيه مشكلة الحب ؟؟

عارف ايه مشكلة الحب؟؟

إننا بنعيش فيه علي سراب 

بندور علي سراب 

وبنخلق من الوهم حلم 

وتبقي دنيا أوهام 

وإحنا فاكرينها أحلام

ومستنينها تتحقق 

ومش بنصدق 

لما نصحي مانلاقيهش 

طيب فكر كدة ودقق 

هاتلاقي الوهم لسة مانتهاش 

هاتلاقي الحلم مخنوق موهوم 

وفي الاخر يصبح الحب مهزوم 

***** 

عارف إيه مشكلة الحب ؟؟

بتعذبنا ذكرياته 

الحلو فيها اللي بطلنا نشوفه

والوحش فيها اللي ماقدرناش نحوشه 

عارف إيه أصعب ألم 

لما تكتشف إنك وهم 

أو كنت حلم
مجرد حلم

وهاتفضل حلم 

تيجي بس لما تغمض العيون 

تبكي لما الليالي تهون 

تبكي حزن أو فرح أو جنون 

تبكي دم أو دموع 

تكتم أنينك أو يخرج بصوت مسموع 

 تخرج البسمة اللي مليانة وجع

وتلاقي الحلم مرسوم موجوع 

***** 

سنتين

عارف يعني ايه سنتين ؟؟

يعني مش يوم ولا يومين 

دول 730 

زود عليهم كمان 255

يبقوا 985 

تخيل انت بقي 

انا عايشة كل ده علي الحنين 

علي الذكريات 

علي الوجع علي الدموع 

 أنا عارفة إنك مش راجع 

وبنادي ولا انت سامع

ده حتى نفسي مش سامعاني 

أنا بنادي في مكان 

وهي في مكان تاني 

فاكر يوم ما قلتلي 

اني وقت الجد هلاقيك جنبي ؟

طيب طول السنين ماعداش وقت جد ؟؟ 

طيب أنا طول السنين بدور عليك في وشوش الناس 

ومش لاقيك في ملامح أي حد 

 دموعي عندك مش وقت جد ؟

انهياري مش وقت جد؟؟ 

عاوزة أقولك حاجة كمان 

رغم انك كنت فاكر نفسك ضعيف 

بس ضعفك كان بيحميني من شئ مخيف 

وكمان كان بيحميني من شك سخيف 

الغياب طول قوي 

سنتين ده وقت طويل 

عمر تاني 

عمر طويل 

انا عارفة اننا محبوسين 

لا انت هاتيجي ولا انا ينفع اروحلك 

علي الاقل دلوقتي 

بس عارف يوم ما اجيلك 

كالعادة هاترمي في حضنك 

هعيط وأحكيلك 

عن كل حاجة ضايقتني 

عن كل كلمة جرحتني 

عن كل أمنية بعدك بقت مستحيلة فقتلتني 

ممكن أقولك أخر حاجة ؟؟ 

إنت بس وحشتني 

ولسة بحبك

كلام محبوس

عارف ايه أجمل حاجة في إني بكتبلك وإنت مش موجود ؟؟ 

إني مش هاستني رد وبالتالي مش قلقانة من اللي ممكن تشوفه وماكنش عارفة أحكيهولك فبكتب بقي براحة راحتي .. عارف أنا عندي شوية مشاكل ليها علاقة بالأحاسيس، ما انت عارف انا مابعرفش أكتب غير اللي انا حاساه، المهم يعني هاحاول الخصلك الاحاسيس دي في شوية كلام:

1- تخيل كدة لو جيت تبص في ساعة ايدك ولقيت كل الأرقام اللي فيها وقعت، يعني الوقت وقع منك ومهما تحاول تلحق الدنيا برضه هاتكون متأخر، يا تري تفضل تحاول كنوع من إصرار السلاحف ولا ممكن تفقد الأمل وتعيش بقي وزي ما تيجي تيجي.

...

2- تخيل كدة انك - بعد الشر عنك - عيان قوى وكل الدكاترة قالولك علي دوا معين فجيبته بس للأسف الانسان اللي انت مستأمنه علي حياتك واللي عايش جواك بدل الدوا ده بسم بطئ، فإنت يومياً بتاخد الدوا وانت مش عارف انك في الحقيقة بتاخد سم، يا تري ايه أمر من التاني، إنك شربت سم ؟؟ ولا انك شربته من ايد توأم روحك؟؟ ولا خيانة روحك؟؟

.....

3- تخيل انك تعرف انسان عملت علشانه حاجات كتير حلوة، بس في يوم هو افتكر انك عملت في حقه حاجات وحشة، مجرد فكرة فقرر انه ينسي كل حاجة وكمان ييجي يعاتبك - بعد ما جرحك - ويقولك وانا اللي كنت مستأمنك علي حياتي وخليتك تعمل ده كله علشاني وفي الاخر خنتني :D
ببتسم علشان ماعنديش رد

.......

4 - عمرك قريت قصة بينوكيو ؟؟ قصة الراجل اللي كان نفسه يبقي عنده ولد فنحت ولد من الخشب واتمني انه يبقي حقيقي والجنية حققتله ده بشروط، دي مشكلة كبيرة طبعاً بصرف النظر عن جو الأمنيات والجنيات، صعب قوى إن يكون عندك أمنية ومش عارف تحققها، فتلجأ لفكرة العالم الافتراضي اللي تحط فيه أحلامك، ميزة العالم الافتراضي انك بتتحكم في احلامك وتعدل فيه وتبدأ من الاول أو من النص وتركز علي نقط السعادة وتتجاهل نقط الألم، ومالوش سقف ولا حدود، بس مع الوقت بيطغي عليك ويضيع الخط الفاصل بين العالم الحقيقي والافتراضي، فنبدأ نتخيل إن الحاجات اللي بنعملها في العالم الافتراضي ممكن تتعمل في الحقيقة ونتفاجئ بقدراتنا المحدودة، فتزيد جوانا الغربة وإن العالم الحقيقي ده مش بيسعدنا بنهرب أكتر للعالم الافتراضي لحد ما نحس انه بقي دنيتنا ونتفاجئ علي انهيار كامل لأننا لا عيشنا في عالم حقيقي حتى لو مر نعرف نتعامل مع تفاصيله وتطوره، ولا عيشنا سعادة العالم الافتراضي.

رسالة لنفس البنت اللي كنت ماعرفهاش

.... عارفة 

أنا كان عندي أمنية 

مالهاش علاقة بيا 

لكن ليها علاقة بيكي 

كنت بتمني أقف جنبك 

وأحميكي 

أتمني أمنع الدموع

إنها توصل لعنيكي 

وكنت شايفاها أمنية مستحيلة 

وكانت بتعدي ليالي طويلة 

أبكي كل ما أحس بالعجز

أبكي من احساسي بالعجز 

أبكي وأحس أكتر بالعجز

عارفة يعني ايه في يوم وليلة 

ألاقيني بسلم عليكي 

وبعدها بليالي كتيرة 

أعرف أوصلك 

مش عارفة بكرة مخبي ايه 

مش عارفة الدنيا هاتبقي ازاي 

بس اللي اعرفه كويس قوى 

اني مش هاسمح أشوف حزن تاني في عنيكي 

ومش هاسمح لأي حاجة تقرب منك 

إلا اذا كانت بتخاف عليكي 

وعاوزة تحميكي

All is fake

Some times you feel that you have many people in your circle, but in fact those people are in a fake circle & your real circle contains no one, at this time you be sure that everything is deceptive, no one put his real face, all of them have a fake smile, interest, even love,