قاللي شكراً
قلتله العفو وابتسمت
علشان أخبي
إني اتألمت
وبلعت الوجع
واستسلمت
ورجعت تاني ابتسمت
وقلت أي خدمة
أنا دايماً موجودة
قاللي انتي من الناس اللي ماحصلوش
مهما يحصل ما بيتغيروش
فقلت شكراً وابتسمت
واخدت نفسي وقوام بعدت
قبل ما يبان إني دمعت
في يوم من الأيام
الوحيدة أنا كنت
دلوقتي أنا بقيت زيي زي الناس
كدة أنا عرفت
واتأكدت
بقيت من الناس
فسكت
واتألمت
واعترفت لنفسي
أنا اتجرحت
أنا كنت على قمة قلبك
ودلوقتي وقعت
واتهزمت
وهاسيب ذكرياتي عندك وامشي
أنا انسحبت
يا ريتني مت
يوم ما قلتلك بحبك
يا ريتني اتكتمت
لا كنت دلوقتي بكيت
ولا اتألمت
وقبل ما امشي
وقفتني نظرة عنيك
وانت بتهمسلي شكراً
فسكت
وفكرت
يا ترى شكرا لأني ساعدتك؟؟
ولا لأني أخيراً فهمت
وعنك بعدت؟؟
وغصب عني قلت العفو
وقبل ما أبكي ابتسمت.
ليست هناك تعليقات:
إرسال تعليق