إنتي لسة مافهمتيش
وماعرفتيش
بوجع قلبي ماحستيش
كل الحنان اللي بتديه للناس
بتيجي عندي أنا ومافيش
خلتيني أحتاج للناس
وأتمنى حضن أي حد
أتمنى حضن أترمي فيه
يمكن أتسند
يمكن أفضل واقفة
بدل ما أقع وأتهد
خلتيني من برة قوية
ومن جوايا ضعيفة مكسورة
مقسومة ..
مهزومة
شوفتي وصلتيني لإيه
بقيت أخاف أبكي
لتسمعيني
أخاف أتكلم
لتكسريني
أخاف أفضل فاكراكي
وانتي كتير قوي بتنسيني
بتنسي إني موجودة
اني محتجالك
إني أضعف من الضعف
اني كتير مشتقالك
إني بتمنى في يوم إيديكي
عليا تحن
إنك تشوفيني زي ما بتشوفي الناس
إنك تقربي مني مش تعملي الواجب وخلاص
انا من غيرك وحيدة
بيكي وحيدة
ماعرفتش أرمي همومي على الناس
رميت همي بين حروفي
داريت دموعي بين كفوفي
أحسن يوم تشوفيها
وتسكتي وماتتكلميش
أخاف أحسن ما تحسيها
وماتهتميش
ساعتها هاكره اني اعيش
أكتر مما انا
زي ما بدعي اني افارق
دلوقتي قبل سنة
زي ما بتمنى أروح وماجيش
مابقتش بلاقي راحة هنا
ليست هناك تعليقات:
إرسال تعليق