انا كنت الصوت
في وقت طغى فيه السكوت
وكنت الأمل
وقت ما انت اتمنيت الموت
وكنت النفس
وقت ما قطعت النفس
خليتك تعيش جوة أيامي من غير شروط
واتقاسمت معاك فرحة قليلة بملكها
لجل بس ما اشوفك مبسوط
انا كنت الدوا
يوم ما كنت مجروح
وكنت الشفا
اللي رجع فيك الروح
وكنت الدفا
اللي وسط البرد ضمك جواه
وكنت الأمان
اللي اتمنيت يوم تلقاه
أنا كنت النور
اللي كسر جواك الضلمة
كنت الدليل
اللي عداك الجراح في العتمة
كنت نسمة الهوا
اللي رفرفت حواليك
وانت محتاس في الخنقة والزحمة
أنا كنت الكتاب
اللي كنت غاوي تقرا فيه
كنت المنظر الخلاب
اللي كنت تحب تبص عليه
وكنت الجمال
كمان بأجمل معانيه
ولما بعتني
انا خسرت اللي بقدمه
بس انت خسرتني
خسرت حد البعد عنك
كان بيستحرمه
كان الحزن في قلبك
بيستجرمه
مهما كتير واسوني
وفضلوا يتكلموا
انا هارجع تاني أمل
هارجع تاني حنين
هايرجع جوايا
حب وحنان السنين
هارجع معنى
انت خسرته
وكسبه ١٠٠٠ حد حزين
ليست هناك تعليقات:
إرسال تعليق