بيوجعني الشتا

وبقرا بين السطور
ظلام حياتنا اللي كان نور
كان يجمعنا البرد
في السقعة ندفي بعض
ولا كان زيينا حد
ونمشي عنينا في الارض
ولا عاوزين نبص لحد
كان يكفينا نبص لبعض
ينزل علينا المطر نرتعش
والرعشة تطرح في قلوبنا
شجر الورد
بيوجعني الشتا
بيوجعني الشتا اللي من غيرك بقي ضلمة
وكان حضنك هو النور في العتمة
بقيت بحس في المطر ذكرياتنا ساكتة
كلمات الحب تايهة وشاردة
كان الحلم في وجودك صافي
بعدك الوحدة ركبت كتافي
فين وجودك في الشتا
يحسسني بطعم الحب الدافي