لما جلود الناس تشقق
تيجي تدقق
تلاقي راح منها الضي
لما تلاقي كابوس اتحقق
ولازم تصدق
إن غير النفس ما فيك شئ حي
لما الضحكة تتقطع
وقولة أه في الضلوع بتسّمع
تنادي ولا حد بيسمع
ولا حد جاي
لما شفايف الخلق تبكي
وراحت البسمة اللي ماكانلها زي
ولما الظالم يفضل يشكي
ولا كأنه ظالم ولا شئ
لما بكفك تمسح دموعك
ولما بكيفك تكره رجوعك
لعالم كافر بالحب
لما بصرخة تدوس علي قلبك
وتكتم أنفاسه بإيدك وبنفسك
يبقي فاضل فيك ايه حي ؟
ليست هناك تعليقات:
إرسال تعليق