ما هي الأرض كروية والناس مدورة
وكل حاجة مرة
مفكرة نفسها سكرة
ويا ريت كله يتلم بدل البعترة
ليه كله بيتمسكن وعايش دور الدهولة
وفي الاخر تلاقي بجاحة وحاجة مسخرة
كله بيلف ويدور
والمواضيع داير ما يدور
هو أه طبق بنور
بس مليان طين فيغور
والقديم ينط في وشك
ليكون سكوتي غشك
اتكن واتلم في عشك
لتتعصر في المعصرة
ماهو كله بيلف ويدور
وكل حاجة مرة
فاكرة نفسها سكرة
فاكرة نفسها سكرة
انا أكبر من البهدلة
والنفوس المأندلة
وأخدت جنب وسكت
وفي حالة منيلة
فسيبوني بقي في حالي
واللي خد مني حاجة
يا ريت يرجعهالي
ولو طمعان فيها
يغور بعيد بيها
لأني لو طولته هاكسرها
وأشوفها متكسرة
ولا أبقي متحسرة
وكله مسيره هايرجع
ماهي الأرض كروية
والناس مدورة
ليست هناك تعليقات:
إرسال تعليق