إحساس جميل لما تحس إنك إنسان
قادر بعقلك تعدي فوق الأحزان
تعمل المفروض
تخلي لإنسانيتك مالهاش حدود
تفضل إنسان
تعيش إنسان
ويوم ما تموت
تموت إنسان
حقك تحزن .. تبكي وتعيش أوهام
بس يوم ما تخد قرار
يبقي نابع من كونك إنسان
جميل إن إنسانيتك
تعدي حدود الزمان
مش مربوطة بمكان
هي موجودة جواك
علشان تكون إنسان
تفضل إنسان
تعيش إنسان
ويوم ما تموت
تموت وإنت برضه إنسان
زي ربك ما خلقك وكرمك
وأحسن صنعك وصورك
أنعم عليك بالعقل وقدرك
خلاك تحكم الكون من غير شريك
رغم إنه مع الكائنات التانية مشترك
خلقك إنسان
علشان تفضل إنسان
تعيش إنسان
ويوم ما تموت
تموت إنسان
تموت إنسان
ليست هناك تعليقات:
إرسال تعليق