أبص للقمر وأكلمه
تدمع عيوني وأفهمه
إن نوره بيوجع قلبي
وبيؤلمه
بيحطني قدام الحقيقة
اللي بحاول انساها
وألاقيني واقفة قدام جراحي
وأكتشف اني لسة فاكراها
فأدور وشي وأفضل أضحك أضحك
الاقي الضحة طالعة بدموع
وأفضل أضحك أكتر
أتاريني ببكي بصوت مسموع
أتاريني لسة مابعرفش أضحك
لسة لما بتكلم مابقولش إلا اسمك
ممكن تسكت ؟
وتطفي نورك ؟
واقتل حزني
جوة غرورك
ارسم ضحكة مالحقناش نضحكها
ارسم دنيا مالحقناش نشوفها
ارسم فرحة خطفتها مننا الدنيا وماعرفناش نسرقها
ولا نرجعها
ارسم دمعة بتنزل كل يوم
تنزل بذكري يوم مشئوم
ارسم دمعة واحد
قاعد عمره بيبكي
ليست هناك تعليقات:
إرسال تعليق