ماكنتش فرحة خالصة بس كان حلم خالص
بس الحلم مهما يكمل برضه هايفضل ناقص
ناقص إني أصحي ألاقيه موجود
حلاوته من غير وجود
بس مالهاش حدود
أغمض عيني وأحلم إنك لسة موجود
وأشوفك بتتكلم
بتضحك وبتتألم
وأشوفنا سوا لسة بنحلم
نكسر كل السدود
بس أصحي ألاقيني وحدي
وألاقيك مش موجود
خلاص مش هاتكون تاني موجود
احساس مر
ولسة بيمرر
مش عاوز يمر
مصمم يتكرر
كان جوايا حلم كبير
نفسه يتحقق
حبسته جوة ضلوعي
وهو نفسه يتحرر
كان هايتحرر في وجودك
كان هايترسم حقيقة
جوة حدودك
لو سيبته دلوقتي
هايبقي دمعة في طريق فاضي
جريمة ما يحكمش فيها ولا قاضي
حلم واترمي لوحده
تاه وسط الحدود
لونه بهت وراح
مابقش ليه وجود
مع انه في الحقيقة
لسة جوايا أنا بس موجود
ليست هناك تعليقات:
إرسال تعليق