في العتمة

في العتمة .. ضي قلبك ولا المصابيح


ينور لكل إنسان جريح


في العتمة يكون قلبك شاهد لضريح


عن قلب مات صريح


في العتمة خوف كشر عن أنيابه


افترس عمر ابيض 


وما قالش حتى أسبابه


هو بس في العتمة 


كشفلنا وشه القبيح


بس لسة في الضلمة


بينور قلبك كما القناديل 


بين صوت الأنين 


وصوت ألم مستمر طويل


لسة في حبة ضوء 


هما بداية لكل شروق


ييجي بعدها نورك شاهق


يقتل العتمة


عاش قلبك اللي فضل رغم الحزن


برئ وصادق