وأنا سلاحي هو السكات
صمت الحروف حتى الممات
لا هاتظهر يوم دموع عيني
ولا حنيني للي فات
ما هو مهما كنت غالي
وكان حنيني ليك قوي
لا هاتكون في يوم أغلى
ولا حنينك يكون أقوى
من اللي بعد ومن اللي مات
فأنا متمسك بسلاحي
متمسك بالسكات
متمسك بحقي
أني براحتي أعيش وحدي
او أعيش مع الذكريات
متمسك أعيش حريتي
واختياري عجزي وموتي واستمراري
حتى لو صبحوا أموات
متمسك بحريتي اني اكره نفسي احبها
ومتمسك بحقي ادافع عنها
لو مستها في يوم بأهات
ومش هاناقشك في الكلام ده
وجودي ده مافيهوش مساومة
مش هاتبع مبدأ مقاومة
بس هاتنح
وعمري ما هاسمح
تبقى في يوم حريتي واختياري
موضوع لشوية مناقشات
تقتنع أو ماتقتنعش
هايفضل سلاحي في وشك
هو السكات
لا هاتكون في يوم أغلى
ولا حنينك يكون أقوى
من اللي بعد وكن اللي مات
ليست هناك تعليقات:
إرسال تعليق