وما بين لأ ومش قادر
في ألف حاجة ماتت
وألف حاجة كمان بتموت
في معنى اندفن بالحيا
لما راح من حلقه الصوت
في صفحة من حياتنا اتقطعت
لما اتملت شخبطة وخطوط
في شئ ضاع مننا
ومش هانلاقيه إلا في قلب الموت
في كلمة جرحتنا
ونزفنا عليها حروف
في حب بيحتضر
لما سكنه عتمة وخوف
راحت فين شمس ضحكتك
وليه صابها
من حزن الدنيا خسوف
حزن خيرك ما بين تعيش مجهول
أو تموت مجروح معروف.
ليست هناك تعليقات:
إرسال تعليق