لما يكون عندك صاحب وفي
في كل كلامه معنى الدفا
ولما تكون الدنيا جارحاك
وجوده معاك هو الشفا
عمره ما بعد ولا يوم اختفى
ولو قعدتوا سنين ما تتقابلوش
بيفضل معنى في حياتك
حضن جميل يحتوي وجعك واهاتك
بيفضل أجمل دعوة
تدعيها في صلاتك
عارف إنت الصاحب اللي مايتغيرش عليك
الصاحب اللي بعمره شاريك
اللي هو عشرة عمرك
مالوش في عمرك شريك
عارف انت لما يقف جنبك
وتنسى في حضوره وجعك
وتفرح لما تشوفه بيضحك
علشان قلبك صافي ليه
علشان بتسعدك نظرة حلوة من عنيه
*******
عارف إنت الصاحب الخاين
اللي انت شايله جوة عنيك
يمكن غدره عليه كان باين
بس انت مغمي عنيك
خوفك عليه مكتفك
حبك للصداقة مسكتك
بس يوم ما غدره يطولك
ليه بتزعل .. ليه تتقهر ؟
ما كتير قالولك
احزن عليه .. بس اوعى تتكسر
اوعى في يوم تبيع كرامتك
علشان ترجع لحد باعك
ليه تسمح حد يدوس على جراحك
ايه الحلو في إنك
تفضل تكلم حد جرحك
تفضل تعيش وجع القلب
كل ما تسمعه بينطق اسمك
لو في يوم دموعك هاتبقى مشاع
اوعى يشوفها اللي جرح وباع
ليست هناك تعليقات:
إرسال تعليق