العمر بيجري
زي موج البحر
ومع ذلك لسة بدري
علي يوم ما أبقي حر
العمر بتجري أيامه
وانا لسة بقعد قدامه
ماحققتش أي حلم
لا أحلامي ولا أحلامه
أحلام طارت قدام مني
مديت ايدي ... عاوزة أمسكها
كان في فرحة جوة حياتي
مديت ايدي ... عاوزة أشاركها
وفي الاخر
لا حلم شفت
ولا في فرحة شاركت
.... كل اللي لقيته حزن بيقتل وبيقسم
واتقسمت
...... طموح بيخدع
واتخدعت
.... وقلوب بتوجع
واتوجعت
كل اللي لقيته فرحة حزينة
دموع مسكينة
بتنزف خوف ورعب وأنين
جراح وآلام سنين
في حاجات لا اتقالت ولا هاتتقال
ولا ينفع تتحكي في مليون موال
لا حد هايداوى ولا يقدر
وكل اللي هايحصل
جراح أكتر وأكتر
نفسي في بحر كبير
أنزل فيه وماطلعش
أرمي أحزان ودموع وحنين
وحلم اتكسر وماتحققش
هاسيب قلبي جواه أمانة
وهاجيله كل الشوق ما يخدني
وهارحل وانا ودموعي حزانا
حتى قلبي رضي يسيبني
واختار البحر
اختار يعيش حر
هو انا ساجناه
أو أنا تاعباه ؟؟
ده انا من خوفي عليه
قفلت عليه
حافظت عليه
انا اللي ليه
الناس كلها هاتجرح فيه
انا اللي هاحميه
مهما اتوجع
ده كده اهون
ده الشوق هين
آآآآآآه
قلبي وجعني
لما افتكرت
شفت يا قلبي
ياريتك فكرت
المهم
خلاص عرفت ؟؟
طيب أنا قررت
طيب أنا قررت
هاسيبك تختار
وتروح البحر
خليك بحار
خليك رحال
عاشق للسفر والأسفار
لا تتعلق بمكان
ولا أنفار
لا هاتشوف حزن
ولا تعيش أخطار
اوعي تتأثر
أو في حد تأثر
خليك ماتفرقش
تعيش مرتاح
تعيش في براح
تمشي وقت ما انت عاوز
وترجع وقت المرواح
خلي الناس في حياتك
أشباح
وجودهم مبهم
مش ملهم
صنفهم انت
قسمهم انت
وحدد وجودهم
علي حسب هواك
روح للبحر
وعيش حر
ليست هناك تعليقات:
إرسال تعليق