حد قالك إني بحبك
وإن همك هو همي
وإن حزنك هو حزني
وإن منايا تفضل جنبي
إن دموعك بتجرح قلبي
مهما حاولت عليا تخبي
عيوني كاشفاك
عارفاك
حاساك
أه لو تعرف
إن حزنك هو ذنبي
انا بإيديا لازم أشيل دموعك
وإلا يبقي جرحك بسببي
حتى لو كان بسبب تاني
ده حق صداقة ليك عليا
وإن أتنازل عن ضحكتي علشانك
يبقي قليل وعليك شوية
أه يا قلبي
يا وجع قلبي
لما بشوفك ساكت
كاتم ألمك في ضلوعك
بتشد عروقك
لجل ما تحبس دموعك
بالنار أنا بتكوي
لما بحسك حزين
قلبي جوايا بيتلوى
ودموعي بتنتحب
ودموعي بتنتحب
وأفضل أقول إن انا السبب
حق الصداقة أشيل حزنك
حتى لو مش أنا السبب
صديقي
ورفيق طريقي
أهم أحلامي
أشوفك قدامي
ببسمة قلبك الطيب
يارب
تحس بالسعادة قريب
ليست هناك تعليقات:
إرسال تعليق