أنا نفسي أتنفس حرية
وأكسر قيودي الوهمية
وأبطل أكتم أشعاري
نفسي أتنفس تتفتح أزهاري
يسبح الحب في أنهاري
وأضرب الخوف ضربة قوية
وأنا نفسي أتنفس حرية
وأكسر قيودي الوهمية
أنا عاوزة ابتسامتي ترجعلي
أو ضحكتي الحلوة المعدية
ومايبقاش تفكيري للوجع والأه
وأفكر بقي فيا شوية
ده أنا نفسي أتنفس حرية
وأكسر قيودي الوهمية
وتبطل أوهامي تلعب بيا
وأكبر وأنا في عيوني صبية
مش مهم الناس عاوزة ايه
مش مهم أشوف حنية
ولا حتى آسية
انا عاوزة سعادتي تبقي ليا
وأقدر أتنفس حرية
وأكسر قيودي الوهمية
عاوزة ألبس اللي أنا عاوزاه
أشوف انا نفسي أكون فين
وهو ده المكان اللي أنا رايحاه
مش مهم الناس تقول أمين
المهم إن ده اللي أنا حاساه
حزني ده مين سماه
جاني مامشيش تاني
باينله تاه
هاديله سكته
يمكن تفك أزمته
ويشوف حد غيري يرافقه ويصاحبه
نفسي بقي مابقاش صاحبته
وهافك شعري وأتنطط
هارقص بفستان مشجر وطبلة
ولو قالوا عليا عبيطة وهبلة
مش مهم
حتى لو قالوا غجرية
المهم أتنفس حرية
وأكسر قيودي الوهمية
ليست هناك تعليقات:
إرسال تعليق