يا رب

ورا كل الضلمة أكيد في نور
مهما اتبني جوانا ألف سور
مهما بكينا أيام وشهور
وقلنا أرض حياتنا جفت وعمرنا بيبور
لو أحلامنا ماتت وشايفين قلبنا مكسور
ولقينا الدهر راكبنا
وانحنينا للكسور
لينا رب كريم هايخلي الحال ميسور
دي ياما قفلت في وش الملايين
وفكها ربك من عنده
وخلي الحزين منصور
بس مش لازم نتمسك باللي عاوزينه
وفاكرينه انه الصح والمفروض
ارضي بنصيبك من ربك
وخليك عابد متعبد شكور
هاتنزل عليك سَكينة
تخلي ضغط الحزن يغور