أنا إنسان مش إنسان آلي
من حقي أحزن من اللي بيجرالي
من حقي أبكي عند إهمالي
أنا نوعي إنسان مش إنسان آلي
حتى الآلة من حقها تعيش
لو أهملتها ماتمشيش
ماتديش
فتخيل بقي إنسان
من حقه يوم يجيله جنان
حتى الآلة ليها مشاعر
وبييجي يوم بيها تجاهر
اشمعني أنا اللي المفروض أسكت
وأبص لجراحي ولا أتكلم
وبتفرضوا عليا أبطل أتألم
مع الألم محتاج كلمة أه
والآه محتاجة صراخ وصوت عالي
من حقي أحزن ... من حقي أزعل ... من حقي أخد علي خاطري
علشان أنا نوعي إنسان مش إنسان آلي
ليست هناك تعليقات:
إرسال تعليق