عارف يعني إيه تعيش بجناح مكسور؟؟
اللي عايش بجناح مكسور بقي عايش علشان ده أمر واقع مش علشان هو عاوز يعيش، يعني فقد احساسه بمتع الدنيا واللي فيها وبقي عنده زهد انه يعمل أي حاجة رغم انه ممكن يكون عنده مواهب كتير قوى
يعني ببساطة اللي بقي بيقعد لوحده كتير ده كان بيحب يقعد مع الناس بس بقي بيتجرح كتير سواء بقصد أو من غير
اللي بقي رافض يتجوز ده لأنه خايف شريك حياته يجرحه أو يجيب أطفال يعيشوا في الدنيا دي
اللي يهرب من كل حاجة ده مش لأنه مش قادر يواجه ولكن لأنه بقي شايف ان كله محصل بعضه
انه بقي يسكت علي أي حد يتهمه بالسلبية بيقول جواه محدش بقي شايف اللي انا شفته
انه بقي شايف نفسه اتعرض للكتير قوى وتعب قوى، رغم ان ممكن يكون في ناس تعبانة أكتر منه بس هو فقد الرؤية دي
انه بقي ليل ونهار يحلم يموت، لأن ده الحل الوحيد اللي هايمنعه يتوجع زيادة
صاحب الجناح المكسور ألمه من كسر جناحه بقي واجعه ومانعه انه يعرف انه لسة عنده جناح سليم لأن دايماً الألم صوته أعلي
ليست هناك تعليقات:
إرسال تعليق