عارف احساس لما تطبطب علي نفسك
في الوقت اللي ماينفعش حد يطبطب عليك
عارف الوقت اللي بتقعد فيه تطمن نفسك
وتقولها ماتقلقيش أنا حاسك
وتبص لنفسك في المراية
وتقولها احكي أنا سامعك
وفجأة تحس ان نفسك في المراية بتتحرك
ده مش شكلك
ده حد تاني حاسك وفاهمك
وبيطبطب عليك وعلي قلبك
حد انت تهمه أكتر مما هو يهمك
ولما تغيب وتقعد تبكي لوحدك
يجيلك هاجس ان نفسك بتسأل عنك
فتقوم للمرايا تشوف ملامحك
علشان تلاقي في عيونك اللي يفرج همك
عارف الناس هاتقول عليك ايه ؟
هاتقول عليك مجنون بتكلم روحك
بس محدش هايفهم إن جواك جرح واجعك
علشان كدة بتكلم نفسك
ليست هناك تعليقات:
إرسال تعليق