انتي شئ مختلف
وانا معترف
اللي بينا رغم رأي الناس طبيعي
انتي شئ مختلف
وانا معترف
انك نسمة ملونة في ربيعي
انتي الانسان اللي اتخلق
علشان بس تخليني أعيش
عيني لما حبتك قلبي كان سبق
ده أنا من غير حبك مفيش
الدنيا في بُعدك واقفة
مابتمشيش
لا هاتلاقي زي حبي
ولا أنا زي حبك هالاقي
ومهما الدنيا بنت بينا حواجز
الحب الصافي هو اللي باقي
وحتي لو بعدت عنك سنين
أكيد في البعد هاتوصلك أشواقي
واشتياقي
لكلمة منك
او لنظرة من عيونك
لضحكة من قلبك
او لحظة من من شقاوتك وجنونك
أتمني بس اقعد قدامك
لما يكون عندك هموم
وافضل أبعد عنك ظنونك
وأقولك مفيش وجع بيدوم
يا احن ايد في يوم طبطبت
يوم ما مدت ايديها وسلمت
عاوز افضل دايماً اقرب حد لقلبك
وافضل زي ما أنا سبب سعادتك
وأوعي اكون يوم سبب لحزنك
عاوز افضل اكتر قلب بتحبيه
الانسان اللي قلتي عنه
هاتموتي يوم لو سبتيه
هي الحياة إيه يا "ندي" العمر
ده اجمل ما فيها قلب تسكني فيه
وحب تتمني دايماً تعيشي بيه وليه
ليست هناك تعليقات:
إرسال تعليق