يا صاحبي أنا قلبي واجعني
يا صاحبي إنت اللي تاعبني
بعد وجودك ماكان مطمني
دلوقتي كلامك بيوخفني
دايماً في كلامنا دموعي حايشاها
وأسباب وجعي ماسكاها
وبضغط علي نفسي وأستحمل
وضغطي ده هو اللي تاعبني
صعب قوى تلاقي أقرب ما ليك
فجأة بيبعد عن عنيك
وتيجي تلمس أمانك
تلاقيه بيبعد عن ايديك
فاكر زمان ؟
كنت لما أحزن أفرح من كلامك
وأضحك وأنا بعيط قدامك
ولو إنت حزين
تهون الدنيا ولا أشوف أحزانك
تخيل بقي
لما وجعي يبقي منك
ولما ألمي يبقي بسببك
ووحدتي اللي جت في بُعدك
والأمان اللي راح من بعدك
ياللي علمتني إزاي أعيش في وجودك
ونسيت تعلمني إزاي أتنفس
وأنا مش جنبك
عارف
أنا لسة واقفة مكان ما سيبتني
بس مش مستنية ترجع
لسة قلبي بينادي عليك
بس بقول يا رب ما تسمع
خايفة تسمع وماتجيش
وتبقي ضربة منك توجع
عارف
أنا مش موجوعة
ولا مخدوعة
ولا مخنوقة
أنا بس مجروحة
واللي كان دايماً بيطبطب عليا
هو المرة دي اللي جرحني
ليست هناك تعليقات:
إرسال تعليق