إحساس مر

لما أشوف في جمال البحر عيونك، ولما أشوف في موجه جرأتك 
وجنونك، وفي الأخر أكتشف إني مابعرفش أعوم 

لما أحسك زي الشمس منور حياتي وماليها دفا، وفي الأخر يطلع قلبي كفيف ما بيشوفش إلا الليل

لما تكون زي الهوا موجود حواليا في كل مكان، بس أنا بتنفس صناعي

لما تبقي قوتي اللي بتسند عليها، وضهري اللي بيحميني، ولما اقع مالاقيش إلا الهوا

لما تكون قلمي وأنا بكتب، ولساني وأنا بتكلم، وفي الأخر أطلع أمية وخرساء

وأكتر احساس مؤلم في الدنيا 

لما أفضل أقولك إنك كل حياتي وفي الأخر انت تبقي ميت