عارف زمان
عيوبك كنت بستحملها
كنت بحس إني منها
كانت خفيفة عليا وقادرة اشيلها
وكان في حب مقابلها
دلوقتي بقينا أصحاب
ودخلنا في إطار الواجب
وانت لسة زي ما نت
مش بتحاسب
وأنا مش قادرة اتناقش ولا احاسب
بقينا أصحاب مش أحباب
بقت الكلمة بتقتل وتوجع
ياما كلمتك وأنا عيوني بتدمع
وأشوف رقمك قلبي يدق
أنا محتجالك وعندي حق
بس الحق بقي صداقة مش حب
مش قادرة أقولك نفسي أشوفك
مش عارفة - زي زمان - أطمنك من خوفك
أه انا لسة زي ما انا
مقدرة ومستحملة ظروفك
نفسي أقولك كل الكلام ده
بس بقول يا رب ما تسمع
أخاف تقول اني اتغيرت
أخاف تقول اني اتكسرت
ليست هناك تعليقات:
إرسال تعليق