عارفة يعني ايه عيد ميلادك ؟؟
يعني يوم ما جيتي جنابك
وزي النهاردة بدأتي حياتك
وكل يوم من عمرك تكسبي حاجات
وتخسري حاجات
لحد ما اتشكلت ملامحك
وبقيتي انتي
صحبتي حبيبتي
****
طيب عارفة السنة دي عيد ميلادك مختلف ليه ؟؟
لأنه هايبقي أول يوم السنة دي أفرح فيه
طيب عارفة السنة دي عيد ميلادك مختلف ليه ؟؟
لأنه هايبقي أول يوم السنة دي أفرح فيه
حتى لو الدنيا اتهدت برضه هافرح
ده اليوم اللي انتي جيتي فيه
علشان تكوني في دنيتي حاجة تفرح
عارفة لما تكوني بسمة بتخفف عليا
وصوت عالي يفوقني من الهم
وقلب حنين كأنك أم
أنا بحب تاريخ ميلادك
بس علشانك
علشان في اليوم ده انتي اتخلقتي
وكبرتي
وعرفتيني وصاحبتيني
وكمان شاركتيني في حيرتي
بينا ذكريات أكتر من عمرنا
وحاجات عشناها أكتر من السنين
شفنا أحزان وأخطار
لو شافها غيرنا كان يشيب
وعرفنا ناس كتير سوا
وسيبنا ناس كتير سوا
بس فضلنا انا وانتي سوا
مصدر للحسد من الناس كلها
تصدقي إن ما بينا عشرة
ماتمتش حتى أربع سنين
كل سنة واحنا سوا
ماتمتش حتى أربع سنين
كل سنة واحنا سوا
نكسب حاجات ونخسر غيرها
بس المهم اللي نخسره
نتأكد انه كان محتاج اننا نغيره
حتى لو هانغير حياتنا
المهم مانبصش علي اللي فاتنا
كل سنة وانتي طيبة
كل سنة وانتي حنينة
ويا رب يا رب كل سنة
نعيشها سوا أكتر من سنة
ليست هناك تعليقات:
إرسال تعليق